لا للإستحمار

لا للإستحمار

هى رسالة من كلمتين ..

كلمتين وبس :))

موجهة للاعلام المصرى سواء الرسمى أو الفضائيات ...

وبنقولهم ,,,

لاااااا للاستحمار

يعنى لما يبقى المتهم سلفى حتى تثبت برائته
وكمان بعد ما تثبت يصر الاعلام على أنه هو المتهم بردو
يبقى لازم كلنا نقول ...

لا للاستحمار

لما قائد المنطقة العسكرية والجيش وتحقيقات النيابة تقول أن المتهم فى أحداث إمبابة والمحرض الأساسى فيها هو عادل لبيب رجل الاعمال المسيحى وأن السلفيين براااااءة من الموضوع دة كله

والاعلام يقول لا بردو هم السلفيين السبب ,, هو كدة وخلاص

يبقى لازم كلنا نقول ,,,

لا للاستحمااااااار

لما المشايخ والعلماء يعرفوا الناس يعنى إيه سلفية وإيه المقصود بيها وإنها مش جماعة ولكنها منهج وبردو الاعلام يقول لا مش فاهمين او مش عاوزين نفهم

,,,يبقى الوضع الطبيعى اننا نقول

لا للاستحمار

لما نقول ان المنهج السلفى دة قديم وهو المنهج المأمورين باتباعه
يقوم الاعلام يقول لا دة وافد جديد وظهر كمان بعد الثورة

يبقى لازم كلنا نقول ,,,

لا للاستحمار

لما يبقى الأزهر غالبيته سلفيين والاعلام يقول فين دور الأزهر لوقف السلفيين ووضعهم عند حدهم

يبقى لازم نقول ,,,

لا للاستحمااااااااار

لما يبقى السلفيين كانو قبل الثورة متبهدلين فى سجون مبارك وكهربا وضرب وحبس واعتقالات وتضييق وحصار ومنع من التعيين والسفر

والاعلام يقول كانو فين السلفيين قبل الثورة

يبقى لازم نقول ,,,

لا للاستحمار

لما يبقى السلفيين فصيل شارك فى الثورة ونزل فيها ومات منهم ناس فيها والاعلام يقول كانو فين دول أيام الثورة

,,, يبقى لازم نقول

لا للاستحمار

لما يبقى غالبية الشعب المصرى المسلم سلفى المنهج سواء علموا أو لم يعلموا بذلك ونلاقى الاعلام بينادى بإقصاء السلفيين ويطالبوا الدولة تتعامل معاهم لإبعادهم عن الحياة السياسية والمشاركة فيها

يبقى معلش بقى لازم نقول ,,,

لاااااااا للاستحمار

بقلم كارهة الاستحمار بجميع أشكاله

د/نهى الريس